Zoho - Zoho CRM - Email Parser

Email Parser არის Zoho CRM-ის ავტომატიზაციის ინსტრუმენტი, რომელიც საშუალებას გაძლევთ ელფოსტით მიღებული ინფორმაცია ავტომატურად გადააქციოთ სტრუქტურირებულ CRM მონაცემებად.

მარტივად რომ ვთქვათ - სისტემა კითხულობს შემოსულ წერილს და საჭირო მონაცემებს სწორ ველებში ანაწილებს.

რას აკეთებს Email Parser?

Email Parser გამოიყენება მაშინ, როდესაც იღებთ სტანდარტული ფორმატის ელფოსტებს, მაგალითად:

- ვებფორმიდან შემოსული მოთხოვნები

- პარტნიორი პლატფორმებიდან გადმოგზავნილი ლიდები

- ონლაინ პორტალებიდან მიღებული შეკვეთები

- HR პლატფორმებიდან კანდიდატების მონაცემები

სისტემა ავტომატურად ამოიცნობს წერილში არსებულ მონაცემებს (სახელი, ტელეფონი, ელფოსტა, კომპანია, თანხა და ა.შ.) და ქმნის ან აახლებს შესაბამის ჩანაწერს CRM-ში - Lead, Contact, Deal ან სხვა მოდულში.

როგორ მუშაობს?

იქმნება სპეციალური Parser Email Address (უნიკალური მისამართი).

ყველა საჭირო ელფოსტა გადაიგზავნება ამ მისამართზე.

კონფიგურაციაში ხდება ველების დამაპინგება - ანუ მიუთითებთ, ტექსტის რომელი ნაწილი რომელი CRM ველში უნდა ჩაიწეროს.

მიღებული წერილები ავტომატურად მუშავდება და მონაცემები ინახება სისტემაში.

შესაძლებელია ასევე პირობების დაყენება - მაგალითად, მხოლოდ კონკრეტული გამომგზავნის წერილები დამუშავდეს.

რა კონფიგურაციები აქვს?

Email Parser საშუალებას გაძლევთ:

- აირჩიოთ სამიზნე მოდული (Leads, Contacts, Deals და სხვ.)

- დააყენოთ დუბლიკატების შემოწმება

- განაახლოთ არსებული ჩანაწერები ან შექმნათ ახალი

- გამოიყენოთ Regex ან ტექსტის კონკრეტული სტრუქტურა ზუსტი ამოცნობისთვის

- დააყენოთ ავტომატური Assignment rules (მაგალითად, გაყიდვების მენეჯერის მინიჭება)

Email Parser არის იდეალური გადაწყვეტილება პროცესების ავტომატიზაციისთვის იქ, სადაც ელფოსტა წარმოადგენს მონაცემების მთავარ წყაროს.